Eg er forskar med kvalifikasjonar innan simuleringar og brenselceller. Arbeidserfaringa mi er innan brenselcellesystem for maritime bruk og romfart. Eg har doktorgrad i energilagring med saltgradientbatteri og ein mastergrad i fysikk og matematikk frå NTNU, med masteroppgåve om belegg for bipolare plater i PEM elektrolysørar. Nedanfor kan du lese meir om utdanninga mi og prosjekta eg har vore inkludert i:
Belegg for bipolare plater i protonutvekslingsmembran (PEM) elektrolyse: Gjennom masteroppgåva mi ved NTNU framstilte, testa og analyserte eg ulike belegg for bipolare plater. Arbeidet inkluderte testing av kontaktmotstand, degraderingstestar, SEM og EDS-analysar.
Saltgradientbatteri: Doktorgradsavhandlinga mi ved NTNU fokuserte på testing og simulering av tre ulike konsept for saltgradientbatteri. Batteria kombinerte tre avsaltingsteknologiar (omvendt osmosis, elektrodialyse, og membrankapasitiv deionisering (membrane capacitive deionisation)) med tre kraftgenererande teknologiar (trykkretardert osmose, omvendt electrodialyse, og kapasitivt Donnan potential).
Digital tvilling av brenselcellesystem: Eg har simulert energisystem basert på fastoksid brenselcelle (solid oxide fuel cell) ved bruk av SIMULINK og MATLAB. Modellane inkluderte reaksjonskinetikk og termodynamikk for ulike drivstoff (t.d. metan, metanol og flytande organiske hydrogenberarar (LOHC)), og kunne tilpassast utforming av ulike komponentar (t.d. kombinerte reaktorar, brennarar og varmevekslarar).
Storskala testing av brenselceller: Eg har arbeidd som testoperatør på ein 200 kW PEM-brenselcelle. Brenselcella vart testa for bruk på skip, med særleg fokus på degradering og drift under varierande last.
Prosjektleiar i ein tidleg designfase for utvikling av eit regenerativt brenselcellesystem for måneoverflata: Eg har gjennomført trade-off mellom ulike brenselcellesystem for å levere varme og elektrisitet gjennom ei månenatt. Arbeidet samanlikna fastoksid-brenselceller, alkaliske brenselceller og protonleiande membran-brenselceller.
Erfaring med ulike PEM teknologiar: Eg har arbeidd med segmenterte stakkar, høgtemperatur-PEM-brenselceller og statiske vassdamp-mata elektrolysørar (static water vapour fed electrolyser).
